Дунёда қишлоқ хўжалиги экинларини экиш учун атиги 10 фоиз ер майдонининг яроқлилиги, экинга яроқли ер ва сув каби табиий ресурсларнинг қисқариши ва аҳоли сонининг тўҳтовсиз ўсиб бориши натижасида ер ва сувга бўлган табиий эҳтиёж ҳамда қишлоқ хўжалиги махсулотларига бўлган талаб йилдан-йилга ортиб бормоқда. Мавжуд экин майдонларининг хосилдорлигини ошириш, кам унумдор ерларнинг маҳсулдорлигини орттириш мақсадида арзон, махаллий хом-ашёлардан олинадиган, тупроқнинг таркиби, атроф-муҳитнинг ифлосланиши ҳамда инсонларнинг саломатлигига салбий таъсир кўрсатмайдиган стимуляторлар яратиш ва уларни қишлоқ хўжалигида қўллаш бугунги кунда мухим аҳамиятга эгадир.