Бугунги кунда бутун инсоният олдида турган энг оғир экологик муаммолардан бири чучук сув муаммосидир. Ер юзида чучук сув заҳиралари нотекис тақсимланганлиги, саноат, ишлаб чиқариш ҳамда қишлоқ хўжалигининг жадал ривожланиши чучук сув муаммосини келтириб чиқармоқда. Чучук сув заҳираларининг маълум бир қисми дарёлар ҳиссасига тўғри келади. Ўзбекистонда асосий дарёлардан бири бўлган Сурхондарё ва унинг бугунги кундаги экологик ҳолатини ўрганиш муҳим аҳамият касб этади.