Transport tarmog’ida tashilayotgan yuk miqdori, tashish yo’nalishi va masofasi hisobga olingan holda yuk oqimlari sxemasi (epyura) si har xil rangda ko’rsatiladi. Yuk oqimi epyurasi qo’yidagi tartibda tuziladi. Avval tashish amalga oshirilayotgan bir yoki bir necha uchastkalar uzunligi (Lyu) aniqlanadi va ushbu chiziqga perpendikulyar ravishda tashish masofasini hisobga olgan holda yuk miqdori (Qy) qiymatlari masshtabda qo’yiladi. Birinchi navbatda yuk jo’natuvchi punktdan eng uzoqda joylashgan qabul qiluvchi punktlardan boshlab qo’yiladi. Yuk oqimi epyurasi yuk tashish shaxmat jadvali ma’lumoti asosida tuziladi.