Қадимдан дунё халқлари етти хазинанинг бири бўлган балиқларга нисбатан алоҳида эҳтиром билан муносабатда бўлганлар. Балиқларнинг яшаш тарзидаги ўзига хослик ва сирлилик улар ҳақида турли-туман ривоятлар ва эртакларнинг туғилишига сабаб бўлган. Ҳатто айрим халқларда уларни аждод боши, пуштдорлик маъбуди тарзида ҳам тасаввур этишади. Ҳозир ҳам Кавказорти халқларида фарзанд кўрмаган аёлларга гулбалиқ (форель) гўштини ейишни тавсия этишади [4].