Ўзбекистонда таржимашунослик фани жадал суръат билан ривожланаёт-ганлиги сабаби – бизда унинг яратилиши, катта истиқбол сари бориши учун зарур адабий-тарихий анъана, лисоний-услубий замин, материал, шароит мавжуд. Ўлкамизда таржима назарияси бўш-тақир ерда эмас, балки кўп асрлик таржима амалиёти қарор топиб, маданий ҳаётга томир отган турли таржима мактаблари тўплаган бой, ранг-баранг тажрибалар асосида туғилди. Таржимашунослик фанининг илдизлари узоқ тарихий замонларга бориб тақалади. Таржима қадимий даврларда, турли қабилага мансуб кишилар орасидаги ўзаро алоқа, мулоқот эҳтиёжи туфайли юзага келган. Тилмочлик деб аталадиган таржиманинг бу оғзаки тури ҳозирда ҳам сақланган.