Oqıwshı tálim-tárbiyadaǵı qıyınshılıqlar ne ushın hám qanday payda bolıwın túsiniwi ushın, áweli bala psixologiyalıq rawajlanıwdıń tiykarǵı nızamlıqların biliwi hám hár túrli jaǵdaylardı psixologiyalıq diagnostika metodların iyelewi zárúr. Oqıwshınıń psixodiognostikaliq izertlew yáki úzliksiz baqlaw protsessinde alınatuǵın nátiyjelerin balalar menen islesiwde qanshelli durıs paydalana alıwı da zárúr esaplanadı. Tájiriybege tiykarlanǵan psixologiyalıq diognostika pán sıpatında ásir aqırında payda boldı. Tap sol dáwirde psixologiyada ólshew ideyası keń tarqaldı. Psixodiagnostikanıń ǵárezsiz pán tarawına aylanıwı alımlardıń insanlar psixikasındaǵı individual parıqlarına qızıǵıwınıń artıwı menen baylanıslı. Psixodiagnostika psixologiyalıq diagnoz qoyıw haqqındaǵı pán esaplanadı. Bunda diagnos kórsetkish hám nátiyjelerdi birgelikte dodalaw tiykarında sınalıwshınıń jaǵdayı hám qásiyetleri haqqındaǵı juwmaqlardan ibarat.