Fizika, ximiya, medicina hám basqa pánlerde ushırasatuǵın kóplegen processler differenciallıq teńlemeler járdeminde xarakterlenedi. Bul teńlemelerdi úyreniw menen tiyisli processler haqqında bazı bir maǵlıwmatqa iye bolamız. Usı differenciallıq teńlemeler úyrenilip atırǵan processtiń matematikalıq modelinen ibarat boladı. Bul model` qansha jetilisken bolsa, differenciallıq teńlemelerdi úyreniw nátiyjesinde alınǵan maǵlıwmatlar processlerdi sonshalıq tolıq xarakterleydi.