Фредерик Тейлор меҳнат жараёнларини махсус функционал бошқариш зарурлигини асослаб, жисмоний меҳнат билан бир қаторда ишлаб чиқаришни ташкил этишни таркибий унсурларга ажратиб кўрсатишга ҳаракат қилган. У корхона бошқарувини ташкил этиш билан боғлиқ меҳнатда эътиборсизлик ва бепарволик билан ишлаш мумкин эмаслигини, ишлаб чиқаришни узлуксиз таъминлашда ҳар бир ҳаракатнинг ҳисобини олдиндан ўйлаган. Корхона фаолиятининг ички муҳитидаги меҳнатни ташкил этишда барча шартлар ва усуллар олдиндан аниқ белгиланган бўлиши кераклигини алоҳида қайд этган.