Jumısta házirgi zaman pedagogika pániniń tiykarǵı wazıypalarınan biri ata-babalarımızdan kiyatırǵan ǵáziynelerdi insanıylıq pedagogikalıq tárbiya sistemasında qollaw hám olardan sheberlik penen paydalanıw, bul biybaha, xalıqtıń ruwxıy baylıqların oqıtıwshılardıń hár kúngi tálim-tárbiya jumıslarına aylandırıwdan ibárat. Soǵan qarap ósip baratırǵan áwladtıń tárbiyasında xalıq pedagogikası tájriybeleri balalardıń xarakteri hám sanasın basqarıwshı qural, tiykarǵı kúsh dep esaplanadı. Sonnan kelip shıqqan halda izertlewdiń maqsetin háreketli hám milliy oyınlardan paydalanıw arqalı 6-7 jaslı balalardıń fizikalıq sıpatların asırıw jolların anıqlaw, rawajlandırıw, milliy oyınlardıń rolin asırıwdıń nátiyjeli formaların tabıw, xalıq oyınlarınıń tárbiyalıq imkaniyatların teoriyalıq jaqtan tiykarlaw, anıqlawdan ibárat.