Qollanba «Bilimlendiriw haqqında»ǵı Nızam, Baslawısh bilimlendiriw mámleketlik standartı hám «Ana tilin oqıtıw metodıkası» pániniń oqıw baǵdarlaması tiykarında islep shıǵıldı. Onda talabalarǵa álipbeni oqıtıw metodıkasın tereń úyretiw maqsetinde sabaqlarǵa jańasha qatnasta bolıw máselesi sáwlelengen. Búgingi kúnde tálim-tárbiya procesin ilimiy tiykarda shólkemlestiriw, onıń nátiyjeliligin asırıw maqsetinde tálim aldına qoyılǵan zamanaǵóy talaplar tiykarında bayan etilgen. Bilimlendiriw diziminde ilimiy-teoriyalıq maǵlıwmatlardı ámeliyatqa endiriw hám álipbeni oqıtıw usılların oqıw procesinde qollanıw tiykarǵı máselelerdiń biri.