Paxta tolasidan faqat ip ishlab chiqarilmay, balki undan avtomashina shinalarida ishlatiladigan kord, transportyor lentasi, filtr va hokazolar ishlab chiqariladi. Paxta chigitidan esa lint, yog’, kunjara va sheluxa olinadi. Sheluxasidan spirt va boshqa kimyoviy mahsulotlar tayyorlanadi. Paxta linti, ayniqsa sellyuloza, suniy ipak, organik shisha, karton va boshqa mahsulotlar ishlab chiqarishda qo’llaniladi.