Ушбу тавсиянома Қишлоқ хўжалик машиналари ва техник сервисни ташкил этиш кафедраси катта ўқитувчиси О.Жавҳаров, кафедра ассистенти Х.Эсанов ва СамВМИ Қорамолчилик, паррандачилик ва балиқчилик кафедраси доценти Ш.Қ.Амировлар томонидан тайёрланди. Тавсиянома Андижон қишлоқ хўжалиги ва агротехнологиялар институти илмий Кенгашининг 2020 йил 30 декабрдаги 4–сонли йиғилишида тасдиқланган. Мазкур амалий тавсиянома қишлоқ хўжалигида серпушт ва тез етилувчан қуён зотларини етиштириш ҳамда қуён гўшти ва қуён мўйналари ишлаб чиқаришни жадаллаштириш бўйича амалий тажрибалар, шунингдек, илғор фермер хўжаликлари фаолияти асосида тайёрланган. Ушбу амалий тавсияномадан, қуёнчиликка ихтисослашган фермер хўжалиги ходимлари, мутахассислар ва шаҳсий томорқа хўжаликлари эгалари ва олий таълим муассасасида чорвачилик йўналишларида таълим олаётган талабалар фойдаланишлари мумкин.