O‘smirlik davri muayyan ijtimoiy turmush sharoitida keyingi kamol topishi uchun zarur ta’lim-tarbiya ta’sirida barqaror mustahkam bo‘lib qoluvchi xislatlar namoyon bo‘ladi. O‘smir kamolotiga erishgan sayin uning psixik dunyosida yangi fazilatlar va sifatlar paydo bo‘la boshlaydi, aslida keskin qayta qurish sodir bo‘ladi. Bu davrda mustaqil tafakkur, dunyoqarash, e’tiqod, o‘zlikni anglash, baholash shakllanadi.