Мазкур диссертация республика фан ва технологиялари ривожланишининг қуйидаги устувор йўналишларига мос равишда бажарилган: ИТД-11 «Маҳаллий табиий ва синтетик хом ашё асосида дори воситалари ишлаб чиқаришнинг юқори самарадор технологияларини яратиш». Тадқиқотда олинган натижаларнинг назарий аҳамияти шундан иборатки, Ўзбекистонда ўсувчи Euphorbiaceae оиласи ўсимликларининг 29 та тури полифеноллари ўрганилиб, улардан аввалдан маълум бирикмалар билан бир қаторда, янги гидролизланувчи таннинлар ажратиб олинди. Полифенолларни ажратиб олиш ва уларни идентификация қилишнинг физик-кимёвий усуллари, бирикмаларнинг физикавий ва кимёвий характеристикалари ушбу соҳадаги янги илмий изланишлар учун услубий қўлланма вазифасини бажариши мумкин.