Bir yo bo‘lgan ekan, yo bo‘lmagan ekan, yetmish yetti mamlakatning narigi yog‘ida mislsiz katta dengizga yetay-yetay degan joyda bir qirol o‘tgan ekan. Uning Yanko degan o‘g‘li bo‘lgan ekan. Qirol o‘g‘lini uylantirmoqchi bo‘libdi. Lekin kutilmaganda musibat yuz beribdi, nima bo‘libdi-yu, qo‘shni qirol bunisini allaqanday ish bilan xafa qilib qo‘yibdi, unga qarshi qo‘shin tortmasa bo‘lmaydigan bo‘lib qolibdi. Endi qirolning ko‘ngliga to‘y ham sig‘may qo‘yibdi. U juda katta qo‘shin to‘plabdi va jang qilgani ketibdi. O‘g‘liga esa taxt-u saltanatga qarab turishni topshirib, to urushdan qaytib kelmagunimcha uylanish to‘g‘risi- da xayolingga ham keltirma, deb qattiq tayinlabdi.