Xalq dostonlari-ajdodlarimizning ming yillardan buyon asrab, avaylab kelayotgan muqaddas merosidir. Donishmandlarimiz uni xalqning “Oltin beshigi” deb ataganlar. Chunki unda tarixi, ma’naviyati, o‘zligi aks etgan bo‘ladi. O‘zbek kitobxonlariga yaxshi tanish bo‘lgan “Rustamxon” dostoning ko‘plab variantlari mavjud bo‘lib, ularning orasida badiiy jihatdan eng mukammali Bulung‘ur dostonchilik maktabining zabardast vakili, betakror san’atkor Fozil Yo‘ldosh o‘g‘linikidir.