Шахсга йўналтирилган таълим жараёнида, айниқса бошланғич синф ўқувчилари билан ҳамкорликда ишлаш ўқитувчи ҳамда ўқувчилар орасида ҳамкорлик ўрнатилишини талаб этади. Ўқитувчи ва ўқувчиларнинг ўқув ҳамкорлиги жараёнидаги фаолиятлари ўқитувчи улар билан ўз муносабатларини ихтиёрий ҳаракатлар асосида ташкил этганида эмас, балки улар билан маҳсулдорликка асосланган ўзаро ҳаракатлар асосида йўлга қўйганида ўз нуқтаи назарларини ўқувчиларники билан мувофиқлаштирганида тўғри йўлга қўйилади. Ўқитувчи билан ўқувчилар орасидаги кўтаринки ҳамкорлик улар ўзлари учун умумий бўлган нарсалар ва вазиятлар билан боғлиқ тарзда фаолият кўрсатганларида вужудга келади, шундагина улар орасидаги ҳамкорлик ягона мазмун-мақсадга эга бўлади.