Patologik anatomiya – kasal organizm anatomiyasidir. “Patologik” degan so’z – yunoncha “pathos” degan so’zdan kelib chiqqn bo’lib, “kasal”, “dardga chalingan” degan ma’noni anglatadi. “Patologiya”, ya’ni meditsina bilimlarining kasal organizmga taaluqli jami masalalarni o’z ichiga oladigan bo’limining nomi ham xuddi shu so’zdan kelib chiqqandir. Kasallikning klinikasi, ya’ni uning simptomlari va alomatlari, fiziologik funksiyalarda ko’riladigan o’zgarishlar, organ va to’qimalarning struktura o’zgarishlari, shuningdek kasallikning davosi hamda uning oldini olish choralari shunga kiradi.