2008 yil 7-11 avgust kunlari Rossiya va Gruziya o‘rtasida Janubiy Osetiya uchun bo‘lib o‘tgan qisqa urushda Rossiya va NATO o‘zlarining yangi qurollari va taktikalarini sinovdan o‘tkazishdi. Bu urush Rossiyaning o‘zining hududining tashqarisida birinchi bor jangovar harakatglar olib borishi edi va tarixda «BESH KUNLIK URUSH» deb nom oldi. Tarixga nazar tashlasak Kavkaz cho‘qqisining har ikkala tomonida joylashgan osetinlar XVIII asrning oxiri XIX asrning boshida Rossiya imperiyasining tarkibiga kirdi. Sovet hukumati davrida osetin xalqining ma’muriy bo‘linishi saqlanib qoldi. Janubiy Osetiya avtonom viloyati 20 aprel 1922 yilda tashkil etilib Gruziya sovet sotsialistik respublikasi tarkibida kiritildi. Markazi Sxinvali shahri. SHimoliy Osetiya 1924 yili 7 iyulda Rossiya tarkibida SHimoliy Osetiya ASSR bo‘lib kiritildi. Gruziya va Osetiyaning munosibatlarining keskinlashuvi Sovet Ittifoqining oxirgi yillarida milliy harakatlarning faollashishi turtki bo‘ldi. 1989 yildan boshlab mintaqada uch marotaba (1991-1992, 2004, 2008 yillar) yirik masshtabli qonli qurolli nizolar avjiga kirdi