Дунё халқлари тақдирига Иккинчи жаҳон уруши жуда катта таъсир кўрсатиб, у ўзидан аввалги содир бўлган 20-30 йиллар тарихий воқеликлари оқибатида бевосита юзага келди. Инсоният тарихида энг йирик ҳарбий тўқнашув ҳисобланган Иккинчи жаҳон уруши олти йил давом этди ва унда дунё аҳолисининг бешдан тўрт қисми иштирок этди. Унинг пайдо бўлишида ташқи сабабларгина эмас, шунингдек, геосиёсий, миллий, мафкуравий, ижтимоий ва иқтисодий омиллар ҳам роль ўйнади. Уларнинг ичида иқтисодий омил – собиқ совет давлатининг урушда ғалаба қозонишида муҳим аҳамият касб этди. Бундай ғалабага эришишда Ўрта Осиё республикалар, шу жумладан Ўзбекистоннинг ўрни беқиёсдир. .