Жаҳонда кечаётган ижтимоий-сиёсий жараёнларнинг маънавий трансформацияси сиёсий воқеликка нисбатан янгича муносабат ва ёндашувни тақозо қилмоқда. Сиёсий жараёнлар нафақат сиёсий тизимларнинг шаклланиш жараёни, маънавий соҳадаги ўзгаришлар кўринишида ҳам намоён бўлмоқда. Содир бўлаётган сиёсий ва ижтимоий ҳодисаларнинг ички генетик алоқаси маънавиятнинг умумий қонун ва қонуниятларининг янада ривожланиш тенденцияларини ҳам назарда тутади. Шу сабабли ижтимоий-сиёсий жараёнлар динамикаси сиёсий институтлар, субъектларнинг инсон ижтимоий-маънавий турмуш тарзини ташкил этишнинг янги шакллари пайдо бўлишини талаб қилмоқда. Бундай ўзгаришлар эса ижтимоий-сиёсий ҳаётдаги маънавий трансформацияни илмий нуқтаи-назардан тадқиқ қилишнинг долзарблигини белгилайди.