Жаҳонда миллий ўзига хосликни асраб-авайлаш нафақат миллатларнинг яшаб қолишини таъминловчи омил, айни пайтда маънавий-ахлоқий муносабатларни тартибга солувчи восита, маънавий жараёнларни юксалтириш усули сифатида тан олинган. Бугунги кунда шиддат билан кечаётган маданий яқинлашув маънавий-ахлоқий қадриятларга, айниқса, халқларнинг миллий характерига таъсир кўрсатмоқда. Натижада, мазкур жараённи фаол бошқаришга интилаётган давлатлар ягона умумжаҳон маданиятини шакллантиришга уринмоқда.