Ўзбекистон халқи ўз мустақиллигини қўлга киритиши билан тарихимизни ўрганишга бўлган муносабат ўзгарди. Ўзбекистон Республикаси Президенти И.А.Каримовнинг 1997 йил “Тарих археология ва этнография илмий текшириш институтларининг фаолиятини кучайтириш тўғрисида”ги фармони ўзбек халқининг тарихини холисона ўрганиб, ёшларни миллий ғурур ва миллий қадриятлар руҳида тарбиялашдек муҳим вазифани ҳар бир илмли кишининг зиммасига юклади. Сурхон воҳасининг ривожланган ўрта асрлардаги архитектура ёдгорликлари Т.А. Пудачинкова, Э.В. Ретвеладзе, И.А. Азимов, Ш.Р. Пидаев, З.А. Аршовская, З.И. Ҳакимов, С Хмелнискиев каби олимлар томонидан мукаммал ўрганилган.