Таълимни компьютерлаштириш муаммоси дидактика, шунингдек, хусусий услубият фанлари соҳасидаги янги, замонавий йўналиш. Шу боис таълимни компьютерлаштириш муаммосини тадқиқ қилиш анъанавий мавзуларни ўрганишга нисбатан мураккаб кечади. Анъанавий мавзуларда илмий тадқиқот ўтказиш йўллари, воситалари, илмий жамоатчилик тан олган принциплар маълум даражада аниқланган, сайқалланган бўлса, таълимни компьютерлаштириш муаммоси соҳасида қўлланиладиган тадқиқот усуллари ва воситаларига етарли ишлов берилмаган, принциплар атрофлича таҳлил қилинмаган.