Дунёда жиноятларни тез ва тўлиқ очиш, жиноят содир этган ҳар бир шахсни фош этиш, жиноятчиликка қарши курашиш, фуқароларнинг хавфсизлиги ва уларни ҳуқуқларини жиноий тажовузлардан ҳимоя қилишда ҳуқуқни муҳофаза қилиш органлари фаолиятини мувофиқлаштириш масаласи объектив заруратга айланди. Жиноятларни очиш, тергов қилиш ҳамда суд ва терговдан яшириниб юрган шахсларни қидириб топиш бўйича фаолиятни ташкил этилиши борасидаги эмпирик кузатувлар терговчиларнинг терговга қадар текширувни ёки тезкор-қидирув фаолиятини амалга оширувчи орган¬лар, хусусан, жиноят қидирув бўлинмалари билан ҳамкорлиги масалаларини алоҳида илмий таҳлил этишни талаб этади.

Жаҳонда барча давлатлар учун бюджет тизимининг бошқаруви, ривожланиши ва такомиллаштириш муаммолари энг муҳим аҳамиятга эгадир. Маълумки, 2008 йилда бошланган жаҳон молиявий-иқтисодий инқирози давлат бюджетини назорат қилишда, айниқса, давлат қарзини назорат қилиш механизмидаги жиддий камчиликларни очиб берди. Бу, ҳаттоки ривожланган давлатлар учун ҳам энг мураккаб муаммога айланди. Молиявий-иқтисодий инқироз деярли барча ривожланган давлатларни қамраб олган даврда вазият янада чуқурлашди. Зеро иқтисодий инқироз сабаблари орасида давлат маблағларини талон-торож қилиш, меъёрдан зиёд сарфлаш ҳам муҳим ўрин тутди.

Давлатни модернизация қилиш ва янгилаш, давлат ва жамият қурилишини либераллаштиришга тааллуқли ислоҳотлар натижасида фуқароларнинг ўзини ўзи бошқариш органларининг ташкилий-ҳуқуқуй фаолияти ва уларнинг давлат ҳокимиятининг маҳаллий органлари билан ўзаро ҳамкорлигини такомиллаштириш муҳим аҳамият касб этмоқда. Фуқароларнинг ўзини-ўзи бошқариш органлари бошқа бошқарув тузилмаларидан бошқарув тизими сифатида ўзининг ноёблиги билан фарқ қилиб, фуқаролик жамияти институти сифатида қатнашади. Уларнинг ноёблиги шунда ифодаланадики, бошқарув жараёнида улар ҳуқуқнинг позитив нормалари билан бир қаторда жамият ҳаётининг табиий турда юзага келган нормаларига, яъни анъаналар ва урф-одатларга суянадилар.

Ҳозирги замон фанида айрим ҳуқуқшунослар ижро иши юритиш фуқаролик ёки хўжалик процессининг босқичи деган фикрдалар. Бошқа ҳуқуқшунослар эса ижро иши юритиш маъмурий процесс тизимининг алоҳида қисми деган фикрни асослашга ҳаракат қилмоқдалар. Аммо кейинги вақтда кўпчилик олимлар ижро иши юритиш ҳуқуқнинг мустақил соҳаси деган фикрга келмоқда.

Дунёда жиноятларни тез ва тўлиқ очиш, жиноят содир этган ҳар бир шахсни фош этиш, жабрланувчига етказилган мулкий зарарни қоплаш, айбсиз инсонни жавобгарликка тортилмаслиги ва реабилитация қилинишида жиноят ишини тугатиш институти муҳим роль ўйнайди. Суд-тергов органлари фаолиятининг таҳлили жиноят ишига қонунга хилоф равишда жалб этилган айбланувчиларни оқлаш, жиноят йўлига адашиб кириб қолган ва қилмишидан пушаймон бўлганларни жиноий жавобгарликдан озод қилиш ҳамда жиноят содир этган шахсларнинг айбига иқрор бўлиб, ҳуқуқни муҳофаза қилувчи органлар билан ҳамкорлик қилишини таъминлаш масалаларига алоҳида эътибор қаратилишини талаб этади.

Бугунги кунда тиббиёт ҳуқуқи халқаро ва миллий ҳуқуқ тизимининг янги тармоғи сифатида ривожланмоқда. Соғлиқни сақлаш борасида илк халқаро стандартлар БМТнинг Бутунжахон соғлиқни сақлаш ташкилоти Низомида белгиланган ва ташкилотни олий мақсади сифатида «барча халқлар томонидан иложи борича энг юқори саломатлик даражасига эришиш»деб эътироф этилган . БМТнинг Баркамол ривожланиш мақсадлари ҳам соғлиқни сақлаш борасида барча давлатлар учун соғлом турмуш тарзи ва баркамолликка эришиш, соғлиқни сақлаш хизматларини универсал қамровини таъминлашга ундайди.

Дунёда глобаллашув ва интеграциялашув жараёнларининг жадаллашиб бориши натижасида трансмиллий жиноятлар сони ошиб бормоқда. Шу сабабли, жиноят учун жавобгарликнинг муқаррарлигини таъминлашдаги давлатларнинг саъй-ҳаракатларини бирлаштириш ҳамда мазкур масалада янги, самаралироқ шаклларда ҳамкорлик қилиш халқаро ҳамжамиятнинг диққат эътиборини жалб этаётган устувор йўналишлардан бири бўлиб қолмоқда. Бу борада, БМТнинг ҳуқуқ ижодкорлиги фаолияти натижалари ҳам ушбу масаланинг долзарблигидан далолат беради.

Целью исследования является на основе комплексного исследования международно-правовых вопросов сотрудничества в сфере образования Республики Узбекистан разработка научно обоснованных предложений и рекомендаций по их совершенствованию и развитию.

Чет давлатлардаги фуқаролар ҳуқуқларининг консуллик ҳимояси масаласи консуллик ҳуқуқи тизимида мустақил ҳуқуқ институти эканлигининг тарихий жиҳатларини ҳамда унинг илмий-назарий асосларини ёритиш, консуллик ҳимояси интститути - фуқароларнинг чет давлатлардаги ҳуқуқий ҳолатини белгилашда халқаро-ҳуқуқий элементи сифатида ўрганиш, халқаро ҳуқуқ фанига консуллик дипломатияси тушунчасини киритиш ва уни илмий асослаш.

Ўзбекистон Республикаси эркин иқтисодий зоналарида тадбиркорлик фаолиятини ҳуқуқий тартибга солишни такомиллаштиришга оид назарий ва амалий аҳамиятга эга бўлган таклиф ва тавсиялар, илмий хулосалар ишлаб чиқиш