Бугунги кунда жаҳон амалиётида қимматбаҳо металлар заҳираларини кўпайтириш, кончилик корхоналарини хомашё билан таъминлаш асосан ёпиқ майдонларда янги конларни излаб топиш ва геология-қидирув ишлари самарадорлигини ошириш орқали амалга оширилмоқда. Шу туфайли янги истиқболли майдонларни топиш ва минерал хомашё базасини кенгайтиришда башоратлаш ва қидириш ишларини изчиллик билан геология фанининг ютуқлари, техника ва технологияси бўйича мавжуд замонавий тажриба ва янгиликларга таянган ҳолда амалга ошириш муҳим аҳамият касб этади.