«Биржа иши» фанининг ўқув услубий мажмуасининг асосий мақсадлари товар хом-ашё ва фонд бойликлари биржалари фаолияти ҳамда биржа савдосининг ҳуқуқий асосларини ҳар томонлама ва чуқур ўрганиш, биржа савдоси қатнашчиларини аниқлаш, биржа фаолияти ҳақида тўлиқ ахборот олиш, биржа савдосини юритиш фаолияти дастурлари ва усулларини ўзлаштириш, бозор иқтисодиётида биржаларнинг ўрни ва ролини аниқлаш, биржа операцияларини амалга ошириш, биржада фонд бойликлари ва товарлар нархини котировкалаш усулларини ҳамда мазкур биржаларда савдо юритиш тартибини ўрганиш, буюртманинг харидордан сотувчи томон биржа халқаси орқали ҳаракатланиш технологик занжирини шакллантириш ҳисобланади.