Сўнгги пайтда жаҳон бозорларида дон ва дон маҳсулотларига бўлган талабнинг ортиши билан Республикамиздаги шахсий ёрдамчи, деҳқон ва кичик фермер хўжаликларнинг ҳам ғалла етиштиришга бўлган қизиқиши ортиб бормоқда. Бу хўжаликларнинг ғалла майдонларини кичиклиги уларда ғаллани ўриб-йиғиб олишда ўзига хос ёндашувни талаб этади, яъни ушбу хўжаликларда кичик ўрим-йиғим техникаларидан фойдаланиш кўпроқ самара беради.