Ҳар қандай ҳуқуқ соҳасининг тартибга соладиган ҳуқуқий муносабатлар доираси мавжуд. Бундан фуқаролик ҳуқуқи ҳам мустасно эмас. Фуқаролик-ҳуқуқий муносабатлар доимо ривожланишда бўлиб, иштирокчиларнинг тенг ҳуқуқлилик асосидаги ўзаро алоқаларидан иборатдир. Мазкур бобда ўқувчи фуқаролик ҳуқуқини ўрганиш учун фуқаролик ҳуқуқий муносабатларнинг маз¬мунини англаш асосий аҳамиятга эга эканлигига эътибор бериши лозим. Зеро фуқаролик-ҳуқуқий муносабатлар билан боғлиқ тушунча¬лар бутун фуқаролик ҳуқуқи фани мавзуларида дуч келинади. Ушбу маъруза матнида фуқаролик ҳуқуқий муносабатлар ҳақида аниқ бир тасаввурга эга бўлиш бутун фуқаролик ҳуқуқини ўрганишда калит вазифасини ўтайди.