Búgingi kúni biologiyalıq kóp túrlilikti qorǵawǵa úlken itibar qaratılmaqta. Bul boyınsha bir qansha nızamlar qabıl etilgen (1997, 2016). Ózbekstan Respublikasın jánede rawajlandırıw boyınsha Háreketler strategiyasındaǵı1 “Aral teńizi apatshılıǵınıń keri tásirlerin jaqsılaw boyınsha sistemalı ilájlar” tiykarında Túslik Aral boyı quslar biologiyalıq kóp túrliligin inventarizatsiyalaw, olardı túrli ekosistemalarǵa beyimlestiriw qásiyetlerin anıqlaw hám kem ushırasatuǵın hámde joq bolıp ketiw qáwpi bolǵan túrlerin saqlap qalıw barısındaǵı ilimiy-izertlew jumısları ayrıqsha áhmiyetke iye.