Ёғоч каркасли бинолар қурилиши дунё қурилиш амалиётида қўлланиб келинаётган энг қадимий қурилиш анъаналаридан бири ҳисобланади. Шунинг учун бу қурилиш йўналишида бой дунё тажрибаси мавжуддир. Шунга қарамасдан, бугунги кун талабларига қарайдиган бўлсак, қурилишда энергияни тежаш, ресурсларни тежаш долзарб вазифалардан бири бўлиб қолмоқда. Қурилиш ривожланиши ва ўсиши билан бир қаторда инсон талаблари ҳам пропорционал ортиб бормоқда. Шу мақсадда, мазкур магистрлик диссертациясида энергия тежамкор ёғоч каркасли биноларнинг конструкциявий хавфсизлигини таъминлаш ва уларни баҳолаш мезонларини ишлаб чиқиш мақсад ва вазифалари қўйилди ҳамда натижалар олинди.