Mavjud sanoat binolariga qaraganda turar-joy binolarining holati yaxshiroq, chunki ularni reja asosida ta’mirlab turiladi. Ta’kidlash joizki, mazkur ta’mirlashlar ham ko’pincha binoning tomini va po’ezdlarni ta’mirlash bilan cheklanilgan. O’tgan asrning 80 yillarida qurilgan binolarning aksariyat qismida qurilish montaj ishlari sifatsiz amalga oshirilganligi bilan xarakterlanadi. Ularni ekspluatatsiya qilishda ham me’yorlarga rioya qilinmagan hollarni uchratish mumkin. Bu esa binolarning xavfsiz xizmat muddatlarini kamayishiga olib keladi. Undan tashqari, qurilishning rivojlanishi, unikal binolar va inshootlarning bunyod etilishi, yangi me’moriy komplekslarning paydo bo’lishi, binolarni loyihalashda original hajmiy-rejaviy va konstruktiv echimlarning rivojlanishi bino va inshootlarning xavfsizligiga yanada ko’proq e’tibor qaratilishini taqozo etadi.