Mámleket hám huqıq teoriyası ekonomikalıq táliymat páni menen de baylanıslı bolıp tabıladı. Sonday-aq ekonomikalıq táliymat jámiyettegi ekonomikalıq-materiyallıq islep shıǵarıw qatnasıqların, ayırbaslawdı, bólistiriwdi, islep shıǵarıw usılların, onıń tariyxın túrlerin úyrener eken, bunda mámleket hám huqıqtıń áhmiyetine hám onıń ornına ayrıqsha itibar beredi. Bazar qatnasıqların qáliplestiriwde, ekonomikalıq reformalardı alıp barıwda mámleket óziniń bas reformator háreketin huqıq arqalı ámelge asırıwın esapqa aladı.