Ushbu uslubiy ko’rsatma “Fizikadan laboratoriya uchun metodik ko’rsatmalar” kitobning ikkinchi qayta ishlangan va to’ldirilgan nashri bo’lib, fizika kursining “Mexanika va molekulyаr fizika” bo’limini o’z ichiga oladi. Ko’rsatmani tayyorlashda aksariyat ishlarda yo’l qo’yilgan nuqsonlarni bartaraf etishga, formulalar, belgilar, chizma hamda grafiklar sifatining yaxshilanishiga beminnat yordamini ayamaganligi uchun NamDU fizika kafedrasining o’qituvchisi A.Abdulazizovga o’z minnatdorchiligimizni bildiramiz. Ko’rsatmada har bir bajariladigan ish uchun nazariy ma’lumot, tajriba o’tkaziladigan qurilmaning tuzilishi, ishning bajarilish tartibi, o’zlashtirish uchun savollar va foydalanilgan adabiyotlar ko’rsatilgan. Ushbu ko’rsatma 10ta laboratoriya ishini o’z ichiga oladi.