Монографияда таржимашунослик фанидаги долзарб мавзулардан бири ҳисобланадиган реалиялар таржимаси муаммоси ўрганилади. Китобда дастлаб реалия тушунчаси тавсифланади ва унинг бошқа атамалар билан алоқаси ўрганилади. Айни пайтда мазкур масала туркий халқларнинг илк адабий достони, қомусий манба бўлмиш Юсуф Хос Ҳожиб “Қутадғу билиг” асарининг ҳозирги ўзбекча табдили, унинг икки немисча ва бир инглизча таржималари билан қиёсий тарзда таҳлил қилинади. Монографияда олиб борилган тадқиқот материалларидан мамлакатимиз олий ўқув юртлари филологик йўналишдаги факультетлар бакалавриат ва магистратура босқичи талабалари, шунингдек, докторантура тадқиқотчилари, қолаверса, таржима назарияси ва амалиёти муаммолари билан қизиқадиган кенг китобхонлар оммаси фойдаланишлари мумкин.