Ўзбек халқининг келиб чиқиши (этногенези)ни ўрганиш масаласи кўпдан бери Ўзбекистон ва бутун дунё олимлари эътиборини жалб қилиб келаётир. Сирасини айтганда, бу муаммони ечиш ниҳоятда мураккаб. Чунки, бу масала биргина археологик қазилмалар натижаларига боғлиқ бўлиб қолмай, балки турли даврлар ва тилларда ёзилган манбаларнинг ўрганилишини ҳамда батафсил, чуқур ва кенг доирали илмий тадқиқотлар олиб боришни тақозо этади.