Артериал гипертензия билан касалланган беморларда ташқи нафас функцияси бузилишининг хавф омилларини аниқлаш учун биз НЧЮТ нинг ёш, вазн, ТВИ кўрсаткичлари, АҚБ ва чап қорнича гипертрофияси (ЧҚГ) билан ўзаро боғлиқлигининг тахлилини ўтказдик. АГ билан оғриган беморларда НЧЮТ кўрсаткичларининг нормадан оғиши АГ даражасига боғлиқ равишда ошади, шундай қилиб, АГ 1 даражасида улар 2 ва 3 даража кўрсаткичларидан ишончлиликнинг ошиши билан (Р<0,05-<0,001) фарқ қилади. НЧЮТ нормадан кучли оғиши АГ нинг 3 даражаси билан оғриган беморларда рўйхатга олинди ва 66,5±0,75% (Р<0,01) ни ташкил қилди. 60 та текширувдан ўтказилган беморларнинг 17 тасида ЧҚГ ташхиси қўйилган (28,3%). Шундай қилиб, кейинчалик биз томондан НЧЮТ нинг ЧҚГ бор-йўқлигига кўра НЧЮТ кўрсаткичларининг маълумотлари тахлил қилинди. НЧЮТ нинг кўрсаткичлари АГ билан оғриган беморларда ЧҚГ сининг мавжудлигига боғлиқ бўлган (65,9±0,68% га қарши 74,8±0,59% мос равишда; Р<0,01). Олинган маълумотлар асосида шундай хулосага келиш мумкинки, артериал гипертензия билан оғриган беморларда ёши, вазни, ТВИ, юқори қон босими ва ЧҚГ ташқи нафас функцияси бузилишининг хавф омили бўлиб ҳисобланади. АГ билан оғриган 60 та беморларни кузатиш асосида соғлом одамларга нисбатан НЧЮТ 1,5 баравар пасайиши кузатилган, бу бронхообструкциянинг дастлабки белгилари ҳақида далолат беради. Корреляцион тахлиллар асосида артериал гипертензия билан оғриган беморларда НЧЮТ кўрсаткичлари оғишининг ёши (r=0,589), вазни (r=0,532), ТВИ (r=0,602), юқори қон босими (r=0,789) ва чап қоринча гипертрофияси (r=0,621) билан тўғри пропорционал боғлиқлик борлиги аниқланди. Магний В6 препаратини қабул қилаётган АГ билан оғриган беморларда ташқи нафас функцияси бузилишининг ижобий динамикаси аниқланди.