Tur:
Darslik
Muallif:
Профессор М.М.Хақбердиев, Доцент Н.Ч Абдуллаев, Н.А. Каратаева
Nashr etilgan yili:
2013
Yaratilgan vaqti:
03.09.2023
Болаларда аллергия - ҳозирги замон тиббиётининг долзарб муаммоларидан бири ҳисобланади. Организмга ёт моддалар тушганидан сўнг унинг ўзгарган реактивлигини белгилаш учун тиббиётга 1906 йили Австриялик педиатр К. Пирке томонидан «аллергия» термини илк бор киритилган эди. Ҳозирги вақтда бу тушунча кенг кўламда тиббиётда мустақ- қил фан соҳаси бўлиб «аллергология” деб номланади. Тарихий жиҳатдан аллергологиянинг ривожланиши ўзаро узвий боғлиқ икки йўналиш бўйича боради. Биринчи - экспериментал аллергология. Бу йўналиш лаборатория ҳайвонларида тажрибалар ўтказишга асосланган. Иккинчи - клиник аллергология. Бу йўналиш ҳар хил аллергик касалликлар билан ҳасталанган беморларни кузатиш ва текширишларга асосланган. Ҳозирги даврда аллергология алоҳида тиббиёт фани сифатида кенг
тарқалиб бормоқда. Аллергология муаммосига қизиқишнинг ортиши қатор сабаблар билан тушунтирилади.