Битирув малакавий ишда Иззат Султон драматургиясининг ўзига хос хусусиятлари, хусусан, адиб драмаларида ижтимоий, маънавий-ахлоқий муаммолар талқини, қаҳрамон ва конфликт масаласи, бадиий тасвир яратиш маҳорати каби масалалар атрофлича таҳлил этилган. Ишда Иззат Султоннинг “Янги одамлар”, “Ойдин кеча асирлигида”, “Имон”, “Билмайин босдим тиканни” каби драматик асарлари таҳлил қилиниб, уларда шахс ва жамият масаласи тасвири етакчилик қилиши, жамият ҳаётидаги ижтимоий-сиёсий воқеаларнинг шахс психологиясига олиб кирган ўзгаришлари ва ана шу жараёнда шахснинг жамият ҳаётида тутган ўрни, драматургнинг конфликт турларидан фойдалана олиш маҳорати, замондошларимизнинг маънавий қиёфаси каби масалалар тадқиқ этилган.