Чўчқалар сўйилганда жуда кўп миқдорда фойдали маҳсулот олинади. Бўрдоқига боқилган чўчқаларнинг сўйилгандаги вазни (нимта вазнининг тирик вазнига бўлган, фоиз билан ифодаланган нисбати) 75—85% ни ташкил қилади, қорамолнинг сўйилгандаги вазни эса 50—65% дан ошмайди, камдан-кам ҳолда 68— 70% га (гўшт учун боқиладиган қорамол зотлари) етади. Чўчқа гўштининг калорияси юқори бўлади. Ўртача сифатли 1 кг чўчқа гўшти 3000 га яқин катта калория беради.