Қадриятлар маънавий маданиятнинг мағзини ташкил этади. Қадрият аллақандай ҳодиса, воқеа ёки нарсаларнинг ўзига хос хусусияти ёки хоссаси эмас, балки унинг моҳияти, ўз навбатида борлиқнинг у ёки бу объектининг яшаши, мавжуд бўлиб туриши учун том маънодаги зарурий шартидир. Қадриятлар инсон бисотида турли-туман эҳтиёжларнинг ва ҳис-туйғуларнинг мавжудлигидан далолат беради, атрофида содир бўлаётган воқеаларни, ҳодисаларни турлича баҳолашлари учун замин яратади.