O'simliklar atmosferani toza saqlashda, tuproq hosildorligini oshirishda, daryolarning gidrologik rejimini tartibga solib turishda inson va hayvonot dunyosi uchun ozuqa moddalar yetkazib beradi va inson hayoti uchun normal sharoit yaratish vazifasini bajaradi. O'simliklar tufayli fotosintez jarayoni ro'y beradi. Atmosferadan, suv yuzasida va tuproqdan chiqayotgan CO2 gazini,o'simliklar yutgani va fotosintez jarayoni natijasida yashil o'simliklar atrof muhitga kislorod chiqarib turadi.O'simliklar dunyosi yiliga 380 mlrd tonna organik modda hosil qiladi, uning 325 mlrd tonna dengiz va okean o'simliklariga, 38 mlrd tonna o'rmonlarga, 6 mlrd tonna o'tloqlarga to'g'ri keladi. O'simliklar shahar havosini tozalab, uni O2 bilan boyitib sanitarlik vazifasini bajaradi. O'simliklar jamiyat uchun behisob xom ashyo resursidir.