Назарий механика фани олий техника ўқув юртларида ўқитиладиган асосий фанлардан бири бўлиб, унинг қонунлари материаллар қаршилиги, қурилиш механикаси, машина ва механизмлар назарияси каби қатор фанлар учун назарий база сифатида хизмат қилади. Ҳозирги замон техникаси ва фанинг ривожланиши умумтехника фанлари асоси бўлган назарий механикани пухта ўрганишни талаб қилади.