Avvalambor globallashuv – globalizatsiya jarayonlari va ularning mazmun-mohiyatiga qarash lozim deb o‘ylayman. Chunki, ushbu jarayon jahon svilizatsiyasi tarixida qadim davrlardan boshlab shakllangan jarayon bo‘lib, yagona ilmiy tushuncha "globalizatsiya” holida o‘tgan asrning ikkinchi yarmida fanga kirib keldi. Globallashuv – globalizatsiya tushunchalariga fanda olimlar tomonidan turlicha tariflar berilsada, ularning yagona mohiyat-mazmunini dunyo hamjamiyati-ning butun jahon mamlakatlari va xalqlarining o‘zaro barcha sohalaridagi yaqinlashuvini anglatadi.