Ҳарбий - муҳандислик таълими ҳамма вақт ҳарбий кадрларни тайёрлаш тизимидаги муҳим компонентлардан бири бўлиб келган. Қадим замонлардан бошлаб ҳарбий муҳандисларни мудофаа истеҳкомларини қуриш ва қуруқликдаги қўшинларда мина ишларига ўқитиш ва кейинчалик артиллерия ва авиациянинг турли йўналишларида ўқитишга ҳам, қўмондонлик кадрларини тайёрлаш қаторида, жиддий аҳамият берилган. Ҳарбий - муҳандислик таълими ўзининг олдига қўйган мақсадлари, таълим мазмуни, шакллари ва ўқитиш услубиётлари (методлари) бўйича олий ҳарбий таълимнинг махсус, яъни специфик тури ҳисобланади. Булар аввалом бор, ҳарбий-муҳандислик фаолиятининг ўзига хос характери ва хусусиятлари билан боғлиқдир.