Оилали бўлиш, турмуш кўриш ҳаётнинг воз кечиб бўлмас парчаси саналади. Ҳар бир инсон маълум ёшга келиб имконияти бўлган пайтда турмуш қуриши лозим. Турмуш жамиятнинг бош бўғини бўлмиш оиланинг бошланғич нуқтаси саналади. Турмуш инсонга бир қатор гўзалликлар ато этади, айни чоғда қийинчиликларни ҳам туғдиради. Бунинг учун эса турмуш қурган келин – куёвлар турмушни жиддий қабул қилиб, унинг моҳиятини англаб етишлари шарт. Оила муаммоси азалдан инсониятнинг диққат марказида бўлиб келган. Чунки оила мустаҳкамлиги жамият фаравонлигининг асосий негизларидан биридир. Шу сабабли Республикамиз раҳбарияти ҳар бир хонадоннинг тинч – тотувлигини, оилаларда фарзандларнинг бахтли, баркамол ўсишини таъминлашга қаратилган қатор тадбирларни амалга оширмоқда.