Adabiyot o‘quv dasturlaridagi (boshlang‘ich, 5–9-sinflar, o‘rta maxsus ta’lim bosqichi) adabiy mavzular tahlil qilinib, takrorlar, murakkabliklar bartaraf etilgani ham ta’kidlab o‘tiladi. Misol uchun, ba’zi adiblarning bir nechta sinflarda berilgan bir-biriga yaqin asarlari asosidagi mavzular o‘quvchilarning psixofiziologik xususiyatlarini hisobga olgan holda bitta sinfga jamlandi, ayrim yozuvchi va shoirlarning hayoti va ijodi bir bosqichda: umumta’lim yoki o‘rta maxsus ta’lim bosqichida o‘rganilishi maqsadga muvofiq deb topildi. Bu o‘quv dasturlarida ham o‘z aksini topdi.