Ҳарбий фаолият билимларини чуқур билувчи, юқори интеллектуал ва касбий малакага, ўзига ишониб топширилган ҳарбий техникани тўғри ишлата ва сақлай оладиган кўникмаларга эга командир мутахассисларни тайёрлаш давр талабидир. Шу ўринда уларга таълим жараёнида ҳарбий-техник масалаларни зудлик билан ҳал қилиш ва ижобий натижаларга эришиш йўлида амалий кўникмалар ҳосил қилиш ҳамда уларни қўллаш амалиётини шакллантириш таълим берувчилар олдида турган муҳим вазифалардан бири. Мазкур мақолада шу мақсадда ҳарбий техникаларни ишлатишда командир мутахассислар учун қўлланма бўлиб хизмат қилиши мумкин бўлган ҳарбий-техник масалаларнинг қўйилиши ва унинг ечими таҳлилий кўриб чиқилган.