Тадқиқотнинг мақсади гидролизланган полиакрилонитрил, лигносульфонат ва крахмални Фридель-Крафтс реакцияси асосида фосфорлаб бурғилаш эритмалари, гипс, бентонит ва дисперс системалар учун органик барқарорлаштиргичларни олиш технологиясини такомиллаштиришдан иборат. Тадқиқотнинг объекти полисахаридлар, лигнин, лигнофосфонат, крахмал, целлюлоза ва унинг хосилалари, кўп атомли спиртлар, тўйинмаган карбон кислоталар, уларнинг тузлари ва эфирлари. Тадқиқотнинг предмети гидролизланган полиакрилонитрил, ортофосфор кислотаси, лигносульфонат, бентонит, гипс ва тупроқ. Тадқиқот усуллари. Барқарорлаштиргичларнинг физик-кимёвий, структуравий тузилиши ва хоссалари замонавий усуллар ИҚ-, ПМР- ва УБ- спектроскопия, дифференциал термик, рентгенофазали ва электрон микроскопик таҳлиллар асосида амалга оширилган.