Дунё миқёсида кечаётган глобаллашув жараёнлари этномаданий хусусиятлар ва миллий маросимларни илмий жиҳатдан тадқиқ этиш масаласини ниҳоятда долзарб муаммо сифатида кун тартибига қўймоқда. Айниқса, ХX аср сўнгги чорагидан бошлаб жаҳонда миллий ва диний маросимларни халқ маданиятининг феномени тарзида ўрганишга алоҳида эътибор қаратилиб, мазкур йўналишда бажарилган илмий тадқиқотлар фандаги муҳим мавзулардан бири сифатида эътироф этилмоқда.